COCOAL

COCOAL Organic Farm lindi më 6 Mars 2015 mes fushave të gjelbra të fshatit Maminas, Durrës. Ajo nisi si një ëndërr e vogël me një kapanon të vetëm me kapacitet 200,000 vezë në vit dhe një objektiv të qartë: ofrimin e produkteve origjinale e cilësore, duke respektuar kafshët dhe mjedisin. Që në fillim, kompania i kushtoi vëmendje të veçantë prodhimit të vezëve me rritje të lirë, duke u bërë e vetmja kompani vendase që ofron një produkt të tillë. COCOAL Organic Farm është një udhëtim i suksesshëm i ndërtuar mbi vlera të forta: cilësia, mirëqenia e shpendëve, qëndrueshmëria dhe respektimi i ambientit. Këto vlera i kanë mundësuar kompanisë një rritje të qëndrueshme ndër vite.